Cultural Revolution

چيني اشتمالي جماعت جي اڳواڻ مائوزيتنگ 1966ع ۾ هڪ نئين نظريي هيٺ ڪم شروع ڪيو، ان مطابق اشتراڪيت کان سرمائيداري نظام ڏانهن وک وڌائڻي هئي، ان وک کي ثقافتي انقلاب سڏجي ٿو. اها وک نظريي، سوچ ۽ ثقافت کي تبديل ڪري ٿي.

Cultural revolution

چين جي ڪميونسٽ رهنما مائوزي تونگ 16 مئي 1966ع ۾ هيءُ تشدد نظريو/ لاڙو چين ۽ خاص طرح اتان جي ڪميونسٽ پارٽيءَ ۾ آندو. انهيءَ سرگرميءَ هيٺ مائوزي تونگ چيني ڪميونسٽ پارٽيءَ جي انهن ميمبرن کي ختم ڪرڻ جي ڪوشش ڪئي، جيڪي دفاعي ۽ اقتصادي ميدانن ۾ سوويت يونين تي ڀاڙڻ جا حامي هئا. اِن انقلاب ذريعي مائوزي تونگ چين کي پاڻ- ڀرو بنائڻ جي ڪوشش ڪئي. ان کان سواءِ هن انقلابي حڪمت عمليءَ تحت چيني ڪميونسٽن ۽ عوام منجهه ملڪيت ۽ پئسي لاءِ چاهه وارن لاڙن جو خاتمو آڻڻ لاءِ کين چيني سماج جي پورهيتن سان هٿ ونڊائڻ جي هدايت ڪئي. سياسي ليڊرن، انجنيئرن ڊاڪٽرن وغيره ۽ ٻين سفيد پوشن لاءِ پنهنجي شعبن ۾ ڪم ڪرڻ سان گڏ ڪجهه وقت هارپو، موچڪو ۽ حجامڪو وغيره ڪم به لازمي قرار ڏنو. مائوزي تونگ هن حڪمت عمليءَ ذريعي ”مستقل انقلاب“ جو تصور ڏيئي، هر ان خيال ۽ روايت کي پاڙان پٽڻ جي ڪوشش ڪئي، جنهن مان بورجوا اثر جي بوءِ ايندڙ هجي. اِن تحريڪ جو چيني فوج، نوجوانن ۽ ڪميونسٽ پارٽيءَ تي گهرو اثر پيو. ڪميونسٽ اڳواڻن لِن پيائو ۽ ليو شائوچي جهڙن اڳواڻن انهيءَ انقلاب جي مخالفت ڪئي، جنهن جي نتيجي ۾ ساڻن گڏ بيشمار ماڻهن کي زندگيءَ تان هٿ ڌوئڻا پيا.1976ع ۾ مائوءَ جي موت سان گڏ اِن انقلاب جو خاتمو آيو